My Shares

人手化->電腦化->自動化->人手化

2010-05-16T12:17:00.000+08:00

自動化是一個行為，代表由電腦去做一些重覆和本為人手去做的事情，它和電腦化不同，電腦化說的是由電腦去做一些重覆的事情，但自動化是做一些本為人手做的事：比方說，把大富翁這個遊戲電腦化，即一些例如計分，洗卡片的工作由電腦來做，玩還是由人來玩，自動化就是你覺得來來去去都是按這個鍵來玩，你就用電腦去幫你按鍵！

說了點引言，可以入正題!

電腦幫人們處理了很多工作，但人們後來發覺因為電腦沒有思考，所以發明了一些自動化的工具去騙過電腦，再之後被騙的人想出些方法去抵防，Captcha就是
其中一種，它通常是一片花得很的圖片，當中有一個字符，因為電腦不能精確的分析，再加上一些隨機性，如果使用者不能輸入正確字符，便不能進行下一步，使自動化失效！

但想不到，處處商機的人世間，竟出現了一種如此的anti-captcha方法!!!
http://www.deathbycaptcha.com

“Our CAPTCHA solving is processed by humans so the accuracy is much better than an automated captcha solver.”

當自動化工具遇上captcha，就把傳給這個service的server，它會用人眼分析再回傳字符給你！天！真的！

“We offer the cheapest price for solving CAPTCHAs. Our price is $1.75 per 1000 CAPTCHAs which equates to $0.00175 each.” 不難想像這些人眼是來自一些發展中國家！

人手化->電腦化->自動化->人手化，說明了人才是最聰明的！但看到了卻有點可悲！

數字不說謊

2010-05-16T11:07:00.003+08:00

沒有比數字更誠實，因它只有正,負和零！

人們常說"被數字欺騙了.."云云，但其實騙你的，不是數字，是人！！！

時間，金錢，多少，大細，種種如此，如此種種，只要來到人的手裡，都可以變成騙人的大話！

今天別人騙了你，明天你可以騙別人！多公平！！！

也許當人們量化了誠信(合約,條文等)那刻之後，人與人之間的誠信就都變了質:
只要是合約容許或合約不阻止的，就是對；只要利益所及，合約只是一份聲明好的賠償清單！

說穿了，這只是人們為了保障自己所擁有的同時並為當追求到更好時背棄誠諾的一個工具，扮作公平，扮作人道，但其實誠信確是被背棄了，一份怎樣完美的合約，都不能保証誠信被踏破時，受害的一方可以得到真正的保障，誠信可以量化，但誰道傷害，感覺等都可以有一個量化？傷就是傷，痛就是痛！

快樂真的很簡單

2009-12-13T19:31:00.001+08:00

原來想快樂真的很簡單…

只不過越簡單的事情，越難辦得到而已

從來沒有想過要過些怎樣特別的生活，只想開開心心快快樂樂簡簡單單的生活，但原來神並沒有憐憫愛簡單的人，衪像要懲罰不思進取的人，使快樂遠離他們…

當他們還在不知就裡的時候，神己叫快樂離他們很遠很遠……

非走不可???

2009-10-24T12:02:00.001+08:00

今日係舊公司最後一日

本來，走並不難過，因為我清楚我想要及需要甚麼！但有一位朋友提醒我，「雪中送炭」和「也許你再遇不到沒有機心的人」，當聽過這番話後，再想真一點，其實走，感覺一點也不好！

想真點，今年年頭，這裡救了我一把，如果沒有被今天的「牛市」洗腦，其實今年年初就是「海嘯」影響市場最壞的一刻，自己又不是甚麼非缺不可的料子！那刻市場滿是投行或大銀行「走了出來」的「精英」，他們是世界的精英，對世界影響甚大，翻手為雲，覆手為雨，喜歡就把你所擁有的東西變得一文不值，喜歡就把你要買的東西變得高不可攀！要和這種精英去比，我當時真的沒有信心！離題太甚…

那時這裡救了我，我對她的貢獻只有她知道，但我知道絕對不多！更重要的是，我遇到了一些不只說權講利的人，他們與人相處不是從利字出發，看以入世未深，不懂弱肉強食之理，實情是待人及心！他們使我想清楚，人與人之間不是只有利用和背叛，我們的價值不是薪金的高低，不是賞金的可觀性，原來人還可以真心待人！

我一心只想到，我要高薪厚職，叫人驚訝的賞金，翻手為雲覆手為雨的自自豪感和不可理喻的物質享受，我只想一心向上爬！跌到了，痛；痛完，再上，每天想的都只有金錢物慾，每天只和數字交心，當想多一點，原來我的世界缺少了一點人性，但之前我一點都感覺不到！

人與人之間的關係，是否應該因為金錢而把它置之不理??? 生存的時間不變，但在這段時間裡頭你要去努力賺錢，還是去感受一下人性的可敬可親? 應該不顧一切，沒頭沒腦的只為走到社會上層而附出，還是附出多點時間去看多一點?

能說的只有帶著捨不得得地離開……

Step after Next Step

2009-10-07T13:50:00.001+08:00

Investment bank or International Bank…

一個人的.. .. ..

2009-04-11T23:18:00.002+08:00

一個人的生活，當然不及兩個人或一大班人來得好
但你要明白別人的難處，人家都有自己的生活
一個人都有好處吧！

Restaurant City

2009-03-29T18:39:00.001+08:00

Cannot imagine that such “old PC” game can be done in facebook…so happy!!!

Look for a Star…

2009-03-29T18:26:00.001+08:00

Good!!!

It is no doubt that no girls can shy away from Andy Lau……..haa

@ Pacific Coffee again

2009-03-24T09:55:00.002+08:00

I like pacific coffee, just because i get bad news most of the time when i am sitting in starbuck, and every news are shocking to my heart.

Last time when I wait @ pacific coffee for the interview of IBM, I get it done immediately. it is really a lucky place for me.

衝上雲霄

2009-03-22T18:32:00.001+08:00

Wanna watch 衝上雲霄 now…

愛上了看見你如何不懂謙卑去講心中理想
不會俗氣猶如看得見晨曦才能歡天喜地

抱著你我每次回來多少驚喜也許一生太短
陪著你情感有若行李仍然沉重待我整理

天氣不似預期但要走總要飛
道別不可再等你不管有沒有機
給我體貼入微但你手如明日便要遠離
願你可以留下共我曾愉快的憶記
當世事再沒完美可遠在歲月如歌中找你

再見了背向你回頭多少傷悲也許不必再講所有道理
何時放鬆我自己才能花天酒地

抱著你我說過如何一起高飛這天只想帶走還是你
如重溫往日郵寄但會否疲倦了嬉戲

Best Luxury of 2008

2009-03-09T11:24:00.001+08:00

If you need all of the functions of Iphone but the cell phone function, Ipod Touch is really an excellent good for you!!!

P.S. I Love You.

2008-08-30T12:03:00.002+08:00

This is my first time of finishing a fiction in English completely. For a guy who only has limited English skill, it is really amazing.

From the beginning, I think Holly will never fall in love with other again. In need, she does. However, in the last part, seems she fall in love with Daniel. I don't know, but I think that after she think deeply, she wanna start the new relationship with a new partner. It is good for Holly, but not a good story for me. At least, out of my expectation.

Honestly, start from the first letter of Gerry, I really think that the last letter (I don't know Gerry only prepared limited letter to till Dec. only, but there must has the "last letter" in the book!) should be about something like "Fall in love again" or "start a new live with a new partner." blah blah blah!!! As a man, it is only the last thing can do for his honey when he can no longer be with her for the rest of life.

Poor Holly!!! One screen is pinned in my mind really. When Holly need to use the Internet for job hunting in the public library. She did not get enough notes to pay for the fee. She cannot think any one that she can get help from but Gerry. She is lonely and helpless. All her best friends are not available that time. She had no call to make. In her mind, only Gerry. At that time , she made a call to Gerry mobile even she absolutely knew that no one will answer her call. Gerry is the only, unique and the whole of her previous life.

When I read this in MTR, my tear is nearly roll down (as a man, in public is not available to cry, even in private area, I wont, I need to pretend strong.). Moreover, I feel the same even I am writing this blog entry. If someone tell me that Holly is stupid what she had no friends and she depend on Gerry too much blah blah blah, I can only defined that guy does not really fall in love before. Even he or she is in relationship, I can definitely say that relationship is conditional and not be a truth love. He or she does not know what is love anyway.

And Dennis and Sharon are the poor characters in this world. I am not talking about they do something bad, but author really created a blessing evil. These two best friend of Holly, one was going to marry with her honey while the other one was pregnant. Not only Holly, everyone is going to be jealous. How about the poor Holly? Just like the single see the pair of sweet on the shopping mall, the girl are laying on the chest of her honey. What I can say about this feeling is sad but nothing else. However, this is what author wanna make. I hate Dennis and Sharon, they hurt my poor Holly. Anyway, author did a great job for her story with these ladies.

This story is really touching. How many men can do as Gerry? How many women can do as Holly? How many couples can do as Holly and Gerry? Love is really amazing, give your care and love to your honey when you can do it. No specific time slot to do it, just do it.

* I am looking forward to watch the Movie of this fiction. ^^
** This blog post is written in a wonder place, time and mood. ^O^

隨影

2008-08-10T13:24:00.001+08:00

某天錯去了的地方......

只是看了一半的書......

只看了十頁的書......

一隻打完了的遊戲......

My Toy

2008-07-20T22:53:00.001+08:00

唔知買黎乜，買完又唔會玩，係買果下開心完就算！

見龍卸甲

2008-07-06T14:01:00.001+08:00

看完了「見龍卸甲」，覺得不是太好看！戲，沒有太多想說的地方，對白到有兩句不俗:

平安對子龍說：「你怪我把你當成對手嗎？」

子龍對平安說：「我只相信，命運掌握在自己的手裡！」

Life shot

2008-07-02T22:46:00.001+08:00

^ This one is Cheese To Fu, very very nice.

^ This one is....The name I forgot already... hoho

昂坪360

2008-03-22T09:58:00.001+08:00

http://picasaweb.google.com.tw/kevinkongtw/2008316NgongPing360

去了坐昂坪360，並不是評論裡頭的那麼差！

不過個市集就真係細左dd

接著去了大澳，如果有間屋係果度，周末去渡假就真係寫意！

熱飲

2008-03-08T20:57:00.001+08:00

Langkawi

2008-01-06T16:28:00.001+08:00

四日三夜的Langkawi之旅，想睇相下以留意以下網址:

http://picasaweb.google.com.tw/kevinkongtw/Langkawi

陽光與海灘的Langkawi，係房度望出去個View真係冇得頂！

果度仲有d叫水中屋，個view仲正

Langkawi 的地標，Eagle Square

係Cable car上面影番落去的景色

一係行上去會Feel到搖下搖下的suspension bridge

隨影

2007-11-11T19:20:00.001+08:00

三國誌大戰 DS

2007-11-10T10:18:00.001+08:00

近日重新愛上NDS上的三國誌大戰！

不太長的和不太煩的戰略，最適合我這類人！

本來這隻Game己經給我放離了NDS，某天找回了攻略本，呵呵，沉淪的日子便開始了！

2007-10-21T22:45:00.001+08:00

故事想說的太多，但能做到的太少！

五虎的名字太響了！

但不明白為何觀眾可以看到這麼多笑位！我就看不到這麼多！呵呵！

隨影

2007-10-21T22:22:00.001+08:00

畢業了！

2007-10-21T22:18:00.001+08:00

Music Player

2007-09-25T18:59:00.001+08:00

呢個靚d，

呢個快d！

Facebook

2007-09-16T21:55:00.001+08:00

好多人玩咁wor.......不過唔係好識玩！

突然間諗，不如整番個group "Kevin Kong", join晒所有Kevin Kong,哈哈！

2007-08-26T16:24:00.001+08:00

太好睇了！

原先以為Jay的故事和平常藝人的故事一樣，一般到不能！誰不知他的故事又幾好！

再加上靚人靚景，正！

不過呢套戲真係要一d info都唔知先好睇！

想要的浪漫

2007-08-10T22:35:00.001+08:00

昨日看無線，歲月風雲，一幕林峰用四十元人民幣和余詩曼過了一個不錯的下午(好像)，結尾林峰耍賴皮的得來一朿花來哄余詩曼！不知是背景太美，還是甚麼理由，我覺得這幕很美！

扭蛋！

2007-08-10T22:08:00.001+08:00

我扭到呢隻，第二想要，都好！最想要係斯路！

白色巨塔大結局

2007-08-06T00:30:00.001+08:00

今晚無記播大結局，個結局好過本書少少！冇左本書果份悲慘！

五星級大鼠

2007-08-05T23:16:00.001+08:00

一套好好睇的戲，第一次睇到有人拍手掌！！！

小小老鼠想做大廚？

故事當中也許有太多寓意，不同的人會有不同得著！但我肯定，我首先得到快樂，整套戲決無冷場，我由開場笑到散場，中文版的配音真係一絕！好正！

其實故事係想講只要你有理想，肯努力，便會夢想成真！大人看完也許會想，世事變數太多，怎樣努力，也許一點的錯誤便會把想要的都搞亂！但我們還是不要把這黑暗的思想帶給下一代，殘酷還是留給這一代飽經辛痛洗禮的可憐蟲吧！

說回這套戲，她的好，真的把戲院裡的大人和小孩給感動了！聽到鼓掌的一刻，我感受到大家心裡的歡欣！

這動畫的CG真的很好，有幾幕把巴黎的夜景描寫得美倫美奐，也許，亦該，比真的巴黎更美！

富豪街(中文版)

2007-07-29T12:44:00.001+08:00

太鼓都未玩完，又有好Game，點算！

不過睇黎好花時間！

太鼓之達人DS

2007-07-28T13:21:00.001+08:00

幾好玩Wor. 不過太高級的還是過不了！

辦工室

2007-07-22T01:27:00.001+08:00

那張給了我啟示的明信片

我的notebook, 只有13" mon........

玩玩具的IT Specialist........

You can call me Kevin...

2007-07-21T14:38:00.001+08:00

好書

2007-07-17T23:39:00.001+08:00

除了漫畫，能叫我一看再看的書不多，這一本真的是一個例外，因為好看！

我的童話

2007-07-17T21:50:00.001+08:00

藍色巨人，公主和城堡將組成一個美麗和動人的童話！

明信片

2007-07-16T20:58:00.001+08:00

王子
公主
童話
城堡

以外的，夠就可以了！

番禺之旅

2007-06-24T22:07:00.001+08:00

上星期五上左去番禺玩左兩日

遲d補番d相相先！(Actually 呢個ｐｏｓｔ係留比ｄ相相！哈哈！)

娛樂金魚眼

2007-06-10T17:23:00.001+08:00

呢套動畫真係好睇，最正係無記d配音！Yeah

努力！

2007-06-04T22:04:00.001+08:00

太多事情想說，但...

其實所有事情總括而言只有兩個字，努力！

NDS大作戰

2007-05-19T13:03:00.001+08:00

真的不能不讚一下任天堂，佢搞到而家一人都有一部NDS!!!

尋晚同Shirley，Chris，MK係沙爹王打Mario Kart同炸彈人玩得好開心！點解我會比人炸死？唔制啊！不過點解Mario Kart冇人過到我，哈哈！

試考完了！

2007-05-19T12:41:00.001+08:00

都未試過有一年咁Hea，上個sem都好，一科有三四日溫，今個sem真係離晒大譜，最後一科ISM堂又冇上過，到Last一日先去睇Summary，去到試場見到份卷，唉，d MC 好多都唔識做，合格就好了！

不過考完就係考完，乜都唔理！

考完過左中環同HSBC d 舊同事食飯！之後上番總行玩左一陣！型啊！我上總行玩嫁！哈哈！

跟住番左中學打左個轉，整個行程的得著係我要移民去澳州！

夜晚去左食壽司，本來去食馬肉壽司的，不過三十蚊得一舊，唔多抵，放棄！

之後再去埋唱K玩大富翁同生命之旅，玩生命之旅我領悟到一樣野，就係想生活過得好，你要先有份好好好好的人工，跟住買晒Stock，咁樣就算之後冇份好工，你都會有好好的收入！仲會成為大富翁！哈哈！

d壽司幾靚！

Nice Toys

2007-05-12T11:02:00.001+08:00

好得意，有我最鐘意的「大便」......不過好貴，又要買埋一套我唔識睇的DVD

黎明歌曲歌詞討論

2007-05-09T12:02:00.001+08:00

把功課交了，難得寫了三千字的中文，放上網扮下文人先！

黎明歌曲歌詞討論

黎明，九十年代風行一時的「四大天王」之一，由八十年代末出道至今仍活躍於娛樂圈，其歌曲可謂跨過了三個不同的年代(80,90和2000)，雖然他的歌藝並不屬實力派之流，但他的歌的歌詞亦有不少叫人拍案的佳作，從中亦可看到不同詞人為黎明所填之詞的特別之處。

筆者從前看過一個製作人的訪問，他說黎明要求早期的製作的主要方向為直接和簡單，但這篇訪問因為年代久遠，筆者亦無法把它找回來作為一個參考，但從黎明早期的歌詞來看，這個說法縱是沒有証明，亦可以看得出來。黎明的其中一首成名作，「對不起我愛你」，當中的一句「心中想說　一生之中都只愛妳」便把這個說法証明了，作詞人向雪懷把愛這些有時難以啟齒的話直直接接的用在歌詞裡頭，沒有用比喻，沒有借代，這就是黎明要求的簡單和直接。

於這個時期，黎明的歌詞都離不開深情，同期的代表作還有「但願不只是朋友」，「自遇著你後　便不只願是朋友在暗中愛慕　實在難形容和忍受現在又再遇　而夜星把你我亮透令我多驚喜　是這想不到的邂逅」，歌詞同樣地直接和簡單，一開首便告訴對方「不只是朋友」，把愛慕直接告訴對方。

上述的一首是深情但沉重的，而黎明早期的歌詞亦有愛得深但同時較為輕快的，「傻癡癡」就是當中的最佳例子。「傻癡癡」起首的一段為「若妳發覺我時常傻痴痴望著妳半醉半痴不懂說話等妳示意可會知妳就是像天邊一個仙子」，詞風同樣地直接得很，但這次的愛較為輕鬆，主人翁只知愛著心中的仙子，不去裡會是否得到回報，傻癡癡地等著，讓聽眾輕易地明白和領悟詞人所想表達的那份簡單但深長的愛情。

來到大約九十年代中期，他的歌詞開始有了一個轉變，就是變得有點激昂，雖然歌詞的內容同樣是愛情，但用字和意境就變得不再簡單，但同樣地直接。一曲「那有一天不想你」把黎明帶到「天王」的位置，詞風的改變有著不少的成份是了迎合廣告的內容，但這曲的成功，使各詞人為黎明填詞時有了定位就是一個事實。「我帶著情意一絲絲悽愴許多說話都仍然未講縱隔別遙遠懷念對方悲傷盼換上再會祈望我帶著情意一絲絲悽愴許多說話都仍然未講盼你未忘記如夢眼光只需看著我再不迷惘」，用語直接，把掛念之情道在口邊，但語氣比較沉重，用字亦比較凝重。

這曲之後，同樣或近以的歌就應運而生了，句括「情深說話未曾講」和「一生最愛就是你」等等。同樣因為廣告系列的關係，歌詞的變化不大，縱然後來換上了林夕來填詞，情況亦未見有改善。但林夕的來臨，卻為黎明往後的歌詞帶來一個新的轉變。新的一輯廣告加上適逢黎明轉了新的唱片公司(新力)，廣告的內容亦由激情轉回深情，由林夕填給黎明的「我這樣愛你」可清楚地看見這個轉變。「還要講多少對白來撫慰難道言語竟比內心更美麗還要將多少愛埋藏心底感覺便會保留到下季」，由歌詞的用字和鋪排，可見林夕刻意迎合黎明的深情的形像。

整個市場的風氣就是把成功的概念切底的利用，直到聽眾厭惡為止，所以自「我這樣愛你」成功之後，同樣概念的歌曲便成為黎明廣告的「主題曲」。雖然概念沒有新意，但因為這個概念和黎明的形像著實吻合得很，加上林夕深厚的文字功力，把這份深情於歌詞表達得霖漓盡致。「回頭若沒有你假使有力氣在陌路離開不需顫抖怕惡劣氣候怕眼淚再流都不怕為你張開笑口回頭若沒有你只需眼看著這段路曾經緊握你手這最大報酬與最後理由已夠我走出深溝再去愛漫天星宿」為「如果可以再見你」的副歌部份，歌詞同樣地情深。另一首「從今開始」亦有著差不多的詞風，「I want to give Giving all my love to you 舊日命運誰在意但願現在才是我今生開始 I'll give Giving my whole life to you 日後命運誰在意但願現在隨地老天荒終止 My love for you」，更用上了最直接的「love you」字眼，把情感用最易的手法表達出來。

如上文所言，一個概念的盡頭便意味著另一個概念的開始。同一類型的歌曲太多實在會使人覺得厭悶，所以之後黎明的歌曲便有了一個新的嘗試，就是極重的電子音樂。為了配合這種電子音樂，歌詞的方向亦由深情變作激烈的愛。「全日愛　全日愛　離合每天接力賽談論愛　炫耀愛　誰又了解怎麼愛憑著愛　全為愛　難道理想國便會存在」為「全日愛」的副歌歌詞，而「I Love You Baby 認購你的安慰 I Need You Baby 難道你一出世便荼毒一切　你名字叫美麗」則為「Can’t take my eyes off u」的歌詞，這類快歌的歌詞其實沒有甚麼值得研究，但因本文題目以黎明的歌詞為中心，所以縱然不是好詞，亦有介紹的必要，亦可從中看到林夕亦有不夠好的作品。

一首「K歌」和一首「電子快歌」的大碟組合，當黎明來到於新力唱片的最後一張大碟才有改變，就是多了一些內容比較玄妙的歌曲。這類型的歌曲的出現，有著很大的原因是因為黎明每逢接受娛樂記者訪問時的對答都比較玄妙，而大眾亦接受了這個形像的黎明，而這些歌曲亦應運而生。一曲「你要懂得欺騙自己」最能表達這個形像，「願您懂得怎麼欺騙自己難道你會分享他的天地　若有空　便來纏住你　他會伴你幾星期」，這類歌詞是黎明歌由歌詞中少有帶著意思的歌曲，不再只是帶著深情，而是比較有思考性的。而於黎明的最新一張(本文執筆起計)唱片「Looking」裡頭，六首歌曲中有著兩首是這個形像的，分別為「愛是傻得起」和「無事常相見」。「愛是傻得起」一曲中，開首的「大家不知結果　害怕甚麼誰人若然被愛過　如何未曾受傷過誰亦為執著結果　最後也賺到經過」，帶有得濃厚的思考性，如味能細味當中的意思，可能會批評比詞為林夕的失敗之作；而「無事常相見」這個歌名亦有著一定的思考價值，讓人細心的去想想自己平日待人的態度如何，是否只是「有事」請求人的時候才有聯絡，平時便一個關心問候也沒有！而歌詞「隨時愛相見　便見面　未怕疏遠了十萬年　年中雖無事也見見　談笑風生聽你表演　情人每一天　亦見面　願你可偶爾別纏綿　見你當擺喜宴　永未曾講錢　你我最值錢」更為這個問題的思考帶來提示。

黎明於2004年加盟東亞娛樂旗下的Amusic後，由於和不同的創作人合作，所以就有了不少新鮮的嘗試，當中於同類型的電訊廣告中嘗試的結果最叫人滿意。由黃偉文填詞的「一言為定」是黎明歌曲歌詞中少有的，詞中運用借代的地方比已往的歌詞來得要多，例如「熱吻間　為何仍像有幅牆　我問誰令你感傷為何　仍然是這樣　門關起　不准我入場」和「我說不知怎講　拿著戒指閃兩閃也許　在要分手那天　至夠勇敢來兌現」，當中的「牆」，「門」和「戒指」的運用得宜，比直接的感覺說出來更能引起別人的思考。

同期有一首愛情以外的歌曲亦叫人留下深刻的印像，因為題才是黎明歌曲中少有的「親情」。一曲「長情」，中有著「若我情未夠深願我長情無悔我的親恩隨傳隨見也不悔恨不教你擔心縱是隔在兩地我未隔絕我的心能及時言和實也太僥倖那一剎溫暖感也至少沒遺憾」，林夕的詞於親情的表達上絕不比愛情遜色，表達那份身不相近，但心繫親恩的感覺絕對達標。

如同論「四大天王」的歌詞，其餘三位的歌詞可能更有討論價值：劉德華於歌詞上的創作性，小美為郭富城所填的詞和張學友多種多樣的歌詞等等。而筆者選黎明的歌詞作為主題的原因是因為大眾多批評黎明的歌藝不達標，筆者亦不反對這個說法，但在歌詞討論上，他所主唱的歌曲歌詞大多有鮮明形像和統一的主題。如果就創作的多樣性來說，黎明歌曲的歌詞可謂絕對不合格，但就同一主題而言，不同的創作人亦有為黎明填過不少叫人拍案叫絕的佳作，換句話說即是成功地建立起黎明的形像。筆者寫這篇論文的原因，除了是課程要求之外，亦希望可以改變大眾對創作的看法：大眾多數要求創作要多樣性，要求的多是題材上的不同，但就不明白於同一題材上的創作亦可以有著不同的變化，同時，能於一個題材上創作出變化，更能顯出創作人的功力。

買了

2007-05-06T11:38:00.001+08:00

終於都立下決心把它買了回來，當是對自己上個月辛勞的獎勵，哈哈！

P.S. 我把右腦之達人2的「全解」模式全部完成了，總數三百五十幅圖，呵呵！

右腦之達人

2007-05-01T21:29:00.001+08:00

我這樣沒有耐性的人，竟玩起這樣的遊戲來，還要到現在都還未有悶！難得難得！

赤柱

2007-04-22T23:08:00.001+08:00

閒影~~~

2007-04-22T22:52:00.001+08:00

踏單車到大尾督的一天，那天回來後辛苦了成個Week，太久沒有運動了！

很美味的Dough Nut，最正係Blue Berry的Flavor

很久沒有影我的書桌...

2SPICY

2007-04-15T10:55:00.001+08:00

尋日發現一隻好好玩的shooting game.......

http://2spicy.sega.jp/

一般的STG係對電腦，但呢隻係玩1 On 1，仲要史無前例的可以左右行，正啊！

恭喜發財

2007-02-16T02:49:00.001+08:00

惡魔在身邊

2007-02-16T02:41:00.001+08:00

打機~打機~

2007-01-30T11:45:00.001+08:00

NDS真的是一部不錯的手提機，遊戲真的很好玩，連我這些麻煩人都覺得好玩！勁正！

剛剛打爆了星之卡比，這是一隻和孖寶兄弟差不多的玩戲，但主角好可愛呢！

同時間又玩緊三國誌大戰DS，是card game來的，街機成$15一鋪，點玩得落手，NDS唔使咁貴就抵玩！不過玩法我到而家都未係真係好清楚，總之放下card又move下張card咁啦！你知啦，我不嬲打機都唔研究，玩下就算！

花言，巧語

2007-01-07T00:10:00.001+08:00

只要妳歡喜~~~

新Game

2006-12-10T21:51:00.001+08:00

係呢個網度我成日都話，打機我鐘意，但唔鐘意Study玩法，一定要d簡單但好玩的Game先o岩我的！對上一次講的係PS2的Gundam Seed，估唔到再下一次講的係佢的續集，Gundam Seed Destiny！可想而知我冇Game打有幾慘，唉~~

今次多左好多機体，但最有型係呢兩隻，Strike Freedom and Destiny

Toys

2006-10-15T22:51:00.001+08:00

幸福的早餐

2006-09-18T09:42:00.001+08:00

幸福是要自己尋找的，這句話到也沒錯，我不自己去買這份早餐，絕對沒有這份幸福！

敗家之作

2006-09-10T22:10:00.001+08:00

敗家之作again，我想是簽contract(if pass)之前的最後一次~~~

麥奀記~

2006-07-19T11:05:00.001+08:00

你冇睇錯，呢碗真係一個食飯碗，入面雖然有四粒雲吞，但粒粒都好鬼細

其實所有野都好正常，如果呢碗麵係賣緊15蚊的話，但佢竟然賣緊25蚊 >.<

中環d野雖然好多都貴，但貴得黎起碼有質素，呢間得個貴字，但同MK15蚊貨仔一樣~~~

唔通我比多10蚊就係為左唔使排隊 T_T

超人

2006-07-17T21:49:00.001+08:00

睇左超人，d畫面真係好得，最正係用眼擋子彈同埋救飛機果下~~~

同預期的差唔多，但超人想告訴我們，愛情至上的道理！地球上面分分秒秒都有人要救嫁啦，佢都仲有時間用超能力Lum女！ (^ ~ ^)

D工作狂睇完之後有冇反思，自已到底在做甚麼，超人咁偉大都有自私的時候，你又何苦呢？

講番個超人，真係靚仔到冇野講~~~

雖然超人Look出名，但我鐘意佢個西裝Look多D~~~

Gundam Seed

2006-07-08T18:05:00.001+08:00

Gundam Seed 真係幾好玩~~~

打機呢d野，千其唔好太深太難太煩太長，所以冇乜game我會玩得長，但隻gundam seed竟然可以仲未感悶！所以真係幾好玩！

不過我從來唔會因為打得隻Game多而有進步，因為我通常都係玩Easy mode，gundam如是，winning如是！！！

一粒制開槍，一粒制就出劍，幾過癮！哈哈！

我最鐘意用的freedom……一個字，型！ ^^

新玩具~~~

2006-06-17T17:01:00.001+08:00

好耐冇買玩具玩！hehe(廿幾歲，玩具呢個term又真係有d......)

早幾日係旺角除左買左套魔神英雄傳(其實想買叮噹，真係好鐘意！ >< 我就黎話知個風水師傅死，我like乜春佢都話唔得！)，大家仲記唔記得呢，當時小學無記播的，五點到啦！^^

有說買舊玩具的新產品，是中年男人的特徵，他們年少時冇得玩，而家大左有能力就要去買番失去了的童真......真可憐，幾時變左中年......

五人眾 (左起:幻神丸，戰神丸，龍神丸，邪虎丸，空神丸) ~~~係唔係好懷念呢！

龍神丸~登龍劍(絕招名~~~好像是這樣叫的！)

邪虎丸~~~可以變形的！

老套但受的一主角組合，一正一小邪！

名場面，龍神大戰邪虎

大配角三人眾

隨心影

2006-06-08T21:31:00.001+08:00

全部都係電話的Quality，不過都唔錯！ hehe

Air Pub and Cafe

本來同啊四試菜比老細，點知到轉，老細試左先，hehe!!

呢間叫Air pub and cafe的餐廳，係中環近上環的地方，呢，泰昌蛋撻果度！
環境唔錯，幾好坐，一望出去係半山的豪宅！d野食又ok，細細份，OL就fit晒！

一個lunch set 只要$78個大洋！不是說我有米，只係中環咁的環境咁的食物的確係算抵！>.<
好彩呢餐唔使我比，有個高級資訊科技主任升職，有人請，之後老細仲請食蛋撻！正！

值得一試 (P.S. 成間餐廳得我支team四個男性，其餘全部OL，咁你話係唔係要去多次！hehe)

豪宅

而家我連佢一個地磚都買唔起......

無意義

隨手影，不過真係幾靚！

妹仔大過主人婆

終於頂唔順D平野，求期買住條TIE先！(搵唔番上次係奧海睇果條！)

人靠衣裝是真的，我發誓我要努力工作，我要番D工要著到幾皮野西裝的！哈哈！

達文西密碼

2006-05-28T10:40:00.001+08:00

首先講下先，我有睇過本書嫁，不過唔係好比心機睇啦，飛下飛下，佢講歷史我就最專心，其他呢就………hehe

講番套戲，影評又話唔好，又唔黑，但我覺得拍得唔錯，d畫面其實好靚，咁大佬，人地係夜晚走佬，你唔係想燈光火著下！

有又d人話解謎去得太快，咁我又唔覺wor，可能我不嬲睇呢d都唔用腦諗的，我只鐘意睇佢的答案，哈哈，不過有一part就真係太快，一開始的時候米有一part講唔知乜野系數(要順序先有意思果個呢 ^^)，你都講少少比人知呢個系數係乜啊，乜都唔講，都唔知佢想點！(好彩呢part有少少記憶 hehe)

唔知係唔係我睇過下(強調，睇過下)本書，我就覺得好好睇，剛剛好填番我冇心機睇的劇情(雖然同原著有差別)，仲用d咁靚的畫面，正！

P.S. 最衰和記，我而家唔係好記得果時的感覺，都唔知想寫乜，頂！

台北晚九朝五(I)

2006-05-23T13:35:00.001+08:00

四日三夜的台北之旅完了！哈哈！

講真，我去過邊同做過d乜真係冇乜印像，我而家都係睇住d相先有少少記憶！哈哈！點解d記性可以咁差，老了！(不過我又好記得我托住林志玲兩對mimi果張，哈哈，好色的記憶！)

大鄉理好耐冇坐過飛機，飛機上面d野唔識玩，哈哈！第一站好像叫六福村，入面d動物隻隻都同我一樣，成日死蛇爛咁，郁都唔郁，萬獸之王都係咁，唉！跟住到機動遊戲，佢地就話唔夠激，我個心臟就話比我聽就黎頂唔順，太細膽了吧！哈哈！跟住去左唔知邊度(好像叫深坑) 食豆腐，幾好味(呢個旅程食野的第一步，十磅上升的首站 >.<)！夜晚去左個唔知乜野夜市(是華西吧！) 跟住又去食過(都話只係不停咁食 ^O^)，好以乜都放過落口，湯又有，餅又有，有害的都有！不過果日終於明白「綜合」的意思，即係乜都加晒落去，但mix 埋之後match or not，sorry，唔係考慮因素，哈哈！

<- 綜合豆花

第二日好鬼早就起左！去左是中正紀念堂嗎？(好像是這樣叫！) ，上左堂Chinese History，不過sorry，陸太教我都冇心機上，何況係果條蛋散！哈哈！不過地方好莊嚴就真的(只係地方，d人就唔好提) ！

<-影得最好的相！

接著去埋故宮，history tutorial again! So sorry again, I am not a student of Chinese History! haha！不過我係學生ma，所以我都好尊重孔子and 同佢影左一張相！Yeah！

跟住就去101，同香港的IFC一樣，都係破壞地區美觀的building，就好以sunny(先介紹，一個據稱比我高8cm的世外高人)去左幼稚園咁，個人幾靚仔都會顯得格格不入)！其實棟101話就話中西結合的design，其實係”多舊魚” 之作！入面唔講以為番左香港tim，哈哈！同香港各大著名商場同一個tone…！所以影佢一張相就夠，話比人知佢高就算！

<-得個高字的101

哈哈！跟住又唔知去左邊個夜市(唔好問我名，我記性好差的) ，好像是西門町！食左一碗啊宗麵線，正，全程最好的美食，跟住又周圍行啦，去到一個商場，周圍行見到有一層，頂，旺角好景，只係價錢貴了！去左間叫Rose Record的CD鋪，見到蔡依琳賣264，想買，不過都係sunny個答案好：「$20十隻CDR」，所以冇買！出番黎又食過，同sunny一人半隻雞，幾好食，加多罐beer，正！(不過ok辣，好彩啊嫂及時的糖槳青蘋果，yeah，多謝！) ！之後同Sunny去左網吧，上網喇！同Emily and Shirley玩MSN，用左四十蚊，第一次投幣式的上網，哈哈！

好，第三日，開始可以接觸下大自然，野柳，睇怪石，果然要加七分想像力先得，哈哈！不過風景唔錯！係海邊訓番教都唔錯！(下圖的不是浮屍，係訓得lum姐，哈哈！) ！

跟住我的記憶就係去左九份，好彩我的主旨唔係去果度買野，如果唔係就冇意思，因為十點就乜都close晒咁濟！不過夜景就係好美，好想把那刻拍進相機，但跟本冇可能，設備唔完善，唉！side晒！同Sunny係度食左雞卷，紅燒肉同蚵仔粥(又食…) ，個粥唔錯！

<-九份夜景

係講下一個夜市之前要補充下先，果日中途我地有去到睇天祿同茶葉，d sale 勁到啊！最鐘意有一個話，十三吉祥，李嘉誠個名兩個字都有十三劃，哈哈！咁我改多次個名喇，哈哈！不過d購物位唔係for 我地的，所以我一蚊都冇使，哈哈！

好，出發去士林夜市！唔使講，食again！十全排骨湯，官財板，同一塊我個面咁大的雞扒，勁！好食！

跟往同sunny去左睇捷運，幾靚，不過班次就疏左dd，幾日本feel的列車(應該話好多野都好日本feel) ！

再同sunny去左行唔知乜街，好多野買，幾豪啊，買左成幾千蚊野，哈哈！香港都買到的，不過手痕，哈哈！跟住番去西門町，我話想去台灣出名的漫畫cafe，但唔識路，搞到大家陪我搵，sorry! 最後都搵到，玩左一個鐘，個environment好正，好舒服，d書又多，仲有得上網，又同Shirley玩MSN！(我到抵有冇去過TW？其實我係呢左係屋企上網，哈哈！)

第四日，自由活動，第一站又係我提出的誠品，去買書，本來就係買三套書加上自已想買電腦書的，但一見到電腦書就想死，你慌下年唔使對咩，所以都係冇買到，只係幫啊四買左佢要的村上春樹就算了！Sunny就買左VB.net，下年要用問佢借！哈哈！(放心，C#我就買的！不過等我開學先 ^^)！果度真係好鬼多書，如果唔趕真係想係入面打書釘！

接著去左行New York New York，我同Sunny入左一間賣donut的鋪頭，一人試左個，唔錯，d公仔都幾得意！正！

好，回程，買埋手信就走人，呢個moment先有時間睇清楚個機場，幾靚，影左好多相，不過唔係我部機！我的得兩三張！hehe，但同HK果個比又差幾皮！(I love Hong Kong) ，下圖係UFO @ 機場，哈哈！

好，四日三夜玩完，好掛住香港！

這是Part 1，Part 2 會係我收到ar B d 相後再加番d補遺！Yeah

不錯的四日假期！Good ^^

<- 加番到此一遊的相，哈哈！

@ Taiwan

2006-05-22T02:35:00.001+08:00

I am writting this article in a comic cafe @ Taiwan.

Haha

Mission Impossible 3

2006-05-04T23:54:00.001+08:00

去左睇MI3，d畫面勁到一開始隻眼未習慣時好痛，習慣左就覺得好正，哈哈！有一幕d導彈唔知想點咁飛黎飛去，正到！勁！

成套戲講的係一舊叫「兔腳」的東西，睇晒都冇講呢舊係乜！>.< 不過呢點都幾正，哈哈！睇個樣同個故事，果舊應該係做核彈的！不過唔好理lu！

靚佬湯真係幾靚佬，但d女角差d，點解會搵Maggie Q ，佢有乜特別？呢點真係唔明！最特別就係佢識講中文！Maggie Q未開口時我同啊四講佢會講中文，佢話點會，有一幕點知Maggie Q 真係講中文，哈哈！勁啊我！OT tim，不過入得場的人都知應該睇乜，只係睇女就唔會入黎睇，我諗大家都係想睇高科技啊，特技啊咁，其他都唔係重點！

不過有一幕我覺得幾有趣，靚佬湯要係上海唔知邊度突入，要係一面大廈飛過另一面，佢即刻畫圖計數，又force又angle，哈哈！Physics，所以邊個話理科冇用，哈哈！

睇黎要搵黎MI同MI2睇下！正！

去火星戀愛

2006-05-02T23:08:00.001+08:00

啊四入左一堆MP3去我部電話度，其中有一首好好聽！容祖兒的「去火星戀愛」，d詞好正，一睇，原來係方杰，佢d詞真係有d計，慘到啊！

蒞臨朋友聚會
欣賞到恩愛示範
你有人陪我卻沒有份
一片平淡 好心問我
找不到男朋友怎麼可習慣
尷尬地說寧願將工作一天排到晚

謝謝關心知我永沒有驚喜
自問不怎麼醜孤獨無道理
最怕我父母追問我婚期
循例作答沒有機

*朋友太多為甚麼失戀要附和或要哭
總是預我我夠姊妺
最後你倆言和
為何還談論復康經過
我喜歡我惋惜有用麼(傷心有用麼)
便能得救麼找遍全球不果
就(去)在火星觀察看誰容訥我(我便會拍拖)

人來人往日夜奔波
都嚮往浪漫我再繁忙
我再沒有空總有期限
不必問我找不到男朋友
怎麼可習慣快說服我
遲些初戀至可心甜到晚

但是通通都當我是個知己
越是心急偏不出現才合理
我也渴望有轟烈兩星期
誰話我已沒有棋

Repeat*()

手鬆點可不可避免每次節慶也得一個
情敵就在附近也許都開心過跟公仔同座

朋友太多為甚麼失戀要附和或要哭
一定預我我最得體我認至會難明
全球男孩為什麼閃過
看清楚我真的怪異麼不算可愛麼
走到火星談情
愛我的一位會過來陪伴我
讓我知上帝原來庇佑我

A cup of...

2006-05-02T22:42:00.001+08:00

我只愛奶茶

這陣子常常食街外野，早餐多數美心一杯野飲(唔抵，但食完又會眼訓，又會肥！)，午餐又係美心的三明治，晚餐有時都要叫車仔麵，放假都係差唔多，搞到餐餐都有一杯野飲，不可能一日三杯奶茶，所以呢輪飲左好多其他野，又Coffee，又OT，又O水，連好耐冇飲的汽水都叫過一兩次！但飲來飲去都係只有奶茶我最愛，哈哈！兜個圈都要讚自已專一，其實係冇新意吧了！

不過杯O水又幾靚，忍唔住手影左佢！

買玩具

2006-05-02T22:00:00.001+08:00

去買玩具比0歲的姨甥仔(應該是這樣叫吧)，原來是這樣難的，又要怕佢驚，又要怕有細粒的東西！真係買比自已玩仲易買，哈哈！(廿幾仲玩玩具，哈哈！)，最後買左隻pooh pooh比佢，就算唔玩都叫做買左隻名牌過佢 (迪迪尼wor.....俾下面啊，card數未清都買比你wor......haha)

反而自已呢排冇乜想買(其實有，我想買樓，買車，買匯豐，但係冇錢！ >.<)，mum....人生去到了別的境界了！哈哈！

ICEAGE2

2006-04-16T08:39:00.001+08:00

尋日睇左套三級片，今日睇左套一級片，加埋除二是否我看了兩套2A級？？？哈哈

套”冰河世紀2”我就覺得ok好睇，d動畫好靚，動作好可愛，好鬼過癮！

由於係大片，又好睇，又新，我都無謂講咁多劇情(actually冇乜特別劇情 ^^)，自已去睇吧！不過聽說第1好睇d wor，但我第1未睇啊，所以no comment！

不過入面有一句對白我唔講唔得，哈哈！
「我唔係肥，只係d毛比較多，比較鬆，睇落大隻d姐！」，哈哈！痴線！

都是果句，入戲院是一個活動，感受的係氣紛！成場d小朋友(真係得幾歲果d ^^) hehehaha，好鬼開心，正！

入面有隻唔知乜野的小動物，由開場搵松果搵到結局，哈哈，好鬼過癮！比佢張玉照你睇下！

雞雞&星星

2006-04-15T11:22:00.001+08:00

尋日係奧海見到下面d星星，好正下wor！中等size的是一個speaker，有計wor！早知唔話食漁米家，要大家同我去食雞！

點知下午Sunny join埋之後去左傾台北之旅的事情，一時唔醒起我地落腳的地方就係雞店，佢個餐仲一定過左$25蚊！啊啊啊！即係又要食一餐肥雞，好肥啊！

不過d星星真係ok正！

Niki出新碟

2006-04-15T01:06:00.001+08:00

Niki出新碟，你地唔買都要去睇下！^^

佢真係好鬼靚，d歌的音樂又好，d詞又正！ (大家get到我想說甚麼的！ ^^)

入面有一首歌的詞我好鐘意，叫「從前他對我好些」

與我一出街　呵欠就會來
望向他　那樣疲憊扣住兩手早放開
過去多精彩　但甜蜜難再
前年住醫院湯也餵我　捱病也期待
當過去了一千天舊日送的百合全謝了　如何再保鮮

＊從前他愛我多些
　為何逐年下瀉
　一季減一點細心
　別離從未覺不捨

　從前他對我好些
　隨時一叫就來路遙從不推卸
　拖得久　男孩其實會心野
　得不到先愛錫

＊約我九點鐘　為何又遲到
　情緣易開始守到最尾其實有難度
　當愛上了一千天
　但是拍拖紀念忘掉了　原因不需繼續說

REPEAT＊

從前他愛我多些
為何越來越野
一季減一點細心
別離從未覺不捨

從前他會對我緊些
然而花已開過今天剩低荒野

回頭望　情人漸已走遠超
出我視野

但有一點係絕對冇錯的！佢d相好正law，比幾張大家睇下！

使大左

2006-04-15T00:56:00.001+08:00

呢輪使錢好似冇乜節制，想洗就洗，想買就買，是否太耐冇使錢呢！痴左，哈哈！

不過如果我想唔比息的話，下個月份糧會冇左一半，死，仲話去旅行？就黎旅行社都冇錢去！ >.< (知我幾錢人工的也許正在笑我幾差野都啊支啊左，哈哈！)

想死！

本能2

2006-04-15T00:45:00.001+08:00

本文被筆者定為18禁，請未夠秤的人唔好睇 (^O^ 講左你聽，唔好睇左又話核突)

今日去左睇本能2，又係時候講下睇戲的情況！

不過首先要講下話死不入戲院的何生o下！突然想這根本只是個藉口啊……本來想起呢點唔問罪於你都唔得，但好彩套戲唔好睇，放你一馬！

講番套戲，我真係唔覺得好睇wor，一來個故事易估到的同時，個男主角又白痴，二來個氣紛又唔好！一套大片連「至尊無賴」都不如！頂！

個故事好多step我都估到，一係我太叻，一係佢同無記劇集level差唔多，睇你想承認邊樣啦！個男主角一開始係威係勢，好似好形咁，但去到中間就比個差佬同女角玩到殘晒，佢想寫的應該係女角太厲害，但變了的是個男角好白痴law！手法有點差呢！要是大家都覺得套戲正的話，對不起，我的level太低，哈哈！

跟住d氣紛又唔好wor，呢套野係三級片，睇廣告都知佢的selling point係乜，明知唔鐘意呢d野就唔好黎睇啦！頂唔順就去睇”冰河世紀2”啦，唔好又要睇又要啊支啊左！一聽到d sex wording，好似「高潮」，「自慰」等等的字時，唔係依依呀呀就係依依爺爺，露點又嘈，搞野又嘈，大佬救命啊，唔好阻Q住我睇戲，真係睇到人火都起埋！咁細路就去睇卡通片，米鬼黎睇三級片！所以話睇戲的氣紛好重要嫁啦！頂！番屋企睇卡通片啦！

劇照一張，四張幾野，算係好好好好嫁喇！

至尊無賴

2006-04-10T00:00:00.001+08:00

去左睇「至尊無賴」，一套好戲！

影評係一個字，笑！我睇完係連個故事都未清楚得晒，但我笑足全場！到底社其風同孫子兵係乜關係？兩個身份被認錯了，但和劇情有乜關係呢？所有所有我都唔係好清楚！但鄭中基式的笑話就夠我開心！哈哈！

好多笑位都係d港產核突笑話，高少少文學修養都睇唔明，有幸我的中文差到冇晒普！哈哈！

如果你想去笑一餐，一定要去睇！如果想去斷背無間的話，請不要浪費金錢！

不過真係再一次証明我BT跟本同票房根本冇關係！去睇戲係一個活動，enjoy的係氣紛，邊個同你去睇同間戲院的質素等等等等！其他人我唔知，我絕對支持香港拍呢d大家話唔好笑的垃圾戲！

補番一個笑位先:

am步撚時 (ambulance) ^^

女仔Game

2006-04-02T08:55:00.001+08:00

我打機的要求好簡單！唔好玩d我唔明的遊戲就得！

我都唔明點解可以咁多香港人可以玩FF?玩得咁開心，你地真係明個故事講乜？真係咁多人識日文？

算，OT了！呢輪我只有兩隻Gameo岩玩，一隻係xxxxxxxxxx？？？因為我唔知叫乜名！ ^^比個圖大家睇下！

佢的玩法好似 (我相信連故事都係) 美少女戰士，一路行，一路打敵人，打下打下可以出必殺技，就係咁簡單！幾簡單，幾好玩！我爆左一次機喇！哈哈！

第二隻Game叫Cooking Ma Ma ，呢隻Game雖然好多日文，但睇公仔就估到佢想點(OT，我就唔信FF?咁史詩式故事可以睇公仔就明 >.<)！

佢的玩法就簡單到冇得再簡單，玩煮飯仔，好似一d Flash Game 咁！切下，煮下，煎下！哈哈，好鬼過癮！最得意係煮餃子，哈哈！飯自己又唔煮，打機就要煮飯仔！過份，哈哈！

我相信我個人的行為同思考會越來越簡單，你睇我玩的Game就知！ ^^

春田花花

2006-03-26T09:45:00.001+08:00

睇左「春田花花同學會」，好好睇！首先唔好去睇佢入面想表達的深層義意，齋睇咁多明星咁多笑位就夠啦！首選一定係Point 同 tinop 果場，鬼死咁好笑！我笑到牙較又痛番！仲有鄭中基賣電子琴果場，哈哈！賣琴加孖潤腸都得，有計！

係我睇得好開心的同時，我有去諗諗佢的深層意義，但可惜冇乜諗到d乜！

值得一提的是，雖然戲中美女很多，有Kelly同Miki等等等等，但我對做「內向OL」的「周筆暢」最有興趣！原來佢係中國的「超級女聲」，唔講唔知！也許Kelly同Miki果d著實美得過份，而周筆暢佢雖然同她們一比就被比下一百幾十級，但又現實得多！睇落佢真係幾順眼！

我看戲就是這樣，大家看的是內容，我就是看內容以外的東東，哈哈！

我的玩具

2006-03-18T18:02:00.001+08:00

自從敗了Kenny部k750i的兄弟 W800i番黎之後，未停過影相！雖然唔靚，都同大家分享下！

首先係近期入手的Mario Kart 回力車！我買得算平！$55就搞掂！上網見d人買左$6x！好彩好彩！

跟住都仲係Mario Kart，不過係NDS上面的Game！買左番黎覺得真係好玩的都係得呢隻Game，希望遲d會多d Game o岩玩！

天幕下的戀人

2006-03-18T17:04:00.001+08:00

無線久未有的佳作！不是說故事，我想告訴大家，我們是不可能在無記見到一個十分滿意的故事，一個好的故事要有好的題才，又要一個好的發展，跟住仲要有一個好的結局！而家d的篇劇是跟著佢地最大的觀眾群去度橋的，好人好者，八點坐係度食飯睇電視大多是甚麼人呢？所以故事必然是會被我們估中的！大家不如去欣賞下套戲的其他地方！

取才其實十分大眾，十居其九都在它的包圍網下的！想睇靚女的有Niki，何綺雲(大家姐)同唐詩詠，想睇愛情的有三種：Niki的純得過份的鐘情，大家姐的現實主義者同唐詩詠的學生(大中小學其實都差不得太多)戀愛！單者兩點就叫男男女女都去睇啦！

其實香港人的娛樂和活動太多了！電視不是給大家細味欣賞的，而是給大家製造一點聲音和把大家僅有的一時三刻望向電視機的空檔填滿的！要細味的，大家就別記望無記了！

Emily 在日記裡(http://d.hatena.ne.jp/emileung/20060314 )說Niki的戲太爛了！本來我呢個 Niki 粉絲點講都唔客觀，但原來不說喜歡她這個因素，還有解釋可言的！

在「她她他打到黎」中，「鄒海灘」說原來而家d年青人說話真的是這樣的，發怒時真的如Niki戲中一樣，把一輪說話說擺就算！更說之前只不過係d篇劇賴醒，度好晒d場景，搞到d人發怒時好有戲，其實那些是太假，niki的才是演活了時下的年青人，哈哈！吹漲，但不無道理！ ^^

Anyway，我有得睇下靚女就心滿意足！也許就係我呢d膚淺的人搞到大家冇晒好戲睇！哈哈！

最後補上Niki 的靚靚劇照~~~ 女仔還得笑才會靚o我！ ^^

美食偵探 (KUI-TAN)

2006-03-18T16:20:00.001+08:00

一套九集完的日劇！是繼「電車男TV」之後我成套追晒的日劇！起初我見佢個名幾得意，先睇左第一集，跟住就集集追了！

佢個故事簡單到震！一個味覺超凡又極度為食同好身手的偵探「高橋聖也」，每集都遇到d直接 or 間接同食物有關的案件，次次都憑佢的智慧，身手同條利破到件案！

好睇唔係破案的過程，而係d人物的表情同動作「高橋」食野個樣同肚餓個樣真係ok抵死！哈哈！

當然，呢d戲只適合我呢d唔鐘意用腦，唔要品味，只求嘻嘻哈哈咁hea左d時間的人啦！又要識做戲，又要表裡都要有meaning的人千萬不要看啊！哈哈！

話明「美食」，戲中當然有好多野食！其中一集仲有我好鐘意食的薯餅(咁上下的野！佢入面唔知有肉定有d乜係度)，日式薯餅同老麥果d唔同，但又唔識講……算，總之好食！咁好彩有一日同「闊太妙」去行「城市超級」時比我見到有得賣，好，即刻買左兩塊！Wa Wa …… Good ar！好食 x 10 ar！食真係人生一大快事！仲要唔係好貴！$10就有得交易……Ooo……Out of topic tim >.<

話說回來，大家d時間好以我咁多到唔知點用的話，不妨看看呢套劇！ (講到好鬼肚餓 >.<)

最後比個官網大家有胸時去睇睇！
http://www.ntv.co.jp/kuitan/

仲有d日式薯餅的圖 (Yummy Yummy)

來不及聽你說愛我

2006-03-18T09:39:00.001+08:00

是Wayne告訴我這個廣播劇的存在，因為大部份的時間就算我開住收音機，我個心都係唔知去左邊，所以冇留意過呢個劇！

其實個劇除左d改篇歌之外，其他都冇乜特別！也許是因為我不是千嬅同醫神的Fans！

但十分神奇的是我竟然會去買這故事的小說版！為甚麼我會買呢？我自已都唔知！可能見佢唔係太貴gar！

講番本書！除左有「來不及聽你說愛我」的小說版之外，仲有多一個叫「來不及對你說愛你」的故事！前者和廣播劇的內容大致相同(其實應該有唔同的，但我睇書的時候我已經唔記得晒個廣播劇的內容 >.<)，後者是一講一對中學時的情侶，分手後故地重遇所發生的事！ (執筆時又唔記得晒d內容，So講左好像冇講咁 >.<)

這陣子我常常在買東西之他後悔，個我冇後悔過買左呢本書！雖叫我感動的內容不多，但有一句看了之後十分有感覺，$55單買這一句亦覺賺了！

『愛一個不能確定是否愛你的人，總比愛一個不愛你的人幸福』(P.52~來不及聽你說愛我 - WASABI)

這句話誰人都知，誰人都曉，但越簡單的道理，越使人容易忘懷！

這句話看後感觸良多，之後亦想得更多！